Eles volven do cine, de ver unha película-documental sobre a vida de Hunther Thompson, o creador do chamado "Xornalismo gonzo". O filme pasea polos entresixos da loucura e brillantez desa figura situada entre as figuras da contracultura americana. As drogas servíronlle a Hunther para distorsionar a crúa realidade que percibía, e desde ese outro lugar, amosou a verdadeira hipocresía dos Estados Unidos.
Un día disparou unha pistola contra a súa cabeza, e desfixo o resto de ideas que lle quedaban, no que algúns dan en chamar o seu "último acto de rebeldía". Outros, contan que non soportou máis a MENTIRA do soño americano.
Eles volven do cine, comentando a historia que acaban de ver. Son as dúas da madrugada e camiñan apurando o frío entre as rúas molladas e estreitas. Dous homes manteñen unha conversa ás portas dunha casa. Xusto cando eles pasan ó carón dos dous homes, escoitan unha frase perfectamente construída e clara:
- Unha cousa é mentir. E outra é ocultar a verdade.
2 comentarios:
pois tinhan mais raón que un santo!
E por outra parte debo de estar moi maior porque a min "Miedo y asco en Las Vegas" pareceme un relato simplón, que fai apoloxía barata das drogas.
[por certo miss malaquita eu, que son fan da sua prosa, quería preguntarlle se non terá vostede nalguna caixon algun guión esquecido, da epoca da carreira por exemplo...]
Hunter Thomson é unha desas personalidades que aparecen de cando en vez para amosarnos unha visión distinta das cousas, mais descarnada, mais incómoda, mais cruel quizais, pero non por eso menos real.
Publicar un comentario en la entrada