OS AMANTES

[A ilustración é unha creación da artista María Sánchez]



Evitamos desfavorecernos, meu neno
mais eras ti o que volvía sempre
o fusilamento do acordado nos pratos do almorzo
a xenialidade no reverso da roupa, desacougada
esa sensación de volver a empezar o inacabado.
Non había nada malo na canción que soaba
o día que decidimos evitar os sons
unha fortuíta simpleza impregnaba o día
de esperpentos e aloumiños calcinados, cada historia
estrangulada
e esas mans, apertando os silencios que debías.

Falo dos amantes. Da revolución desde unha cama.